انا اسمى منة عندى 24 سنة عايشة لوحدى ووالدى وولدتى متوفين وماليش اخوات انا ساكنة فى منطقة هادية النور بيتولع فيها كل فين وفين تحس انهم ممكن يموتوا لو ولعوا النور ناس غريبة بصراحة ولما تيجى تكلم حد فيهم يبصلك كدة ويمشى ويسيبك كل الناس هناك كدة بطلت اتعامل مع حد فيهم انا قبل ما اجى اعيش فى المنطقة دية ناس كتير قالولى الناس هناك غريبة فضلت اتريق على كلامهم لكن لما جيت هنا وعشت صدقت كل كلمة اة نسيت اقولكوا انا شغالة فى مستشفى مش مهم اسماها شغالة هناك فى المشرحة ايوة فى المشرحة انا مكنتش حابة المجال دة انا دايما بخاف من الجثث والدم واى حاجة تخص القتل بس دخلت المجال دة علشان والدى الله يسامحة اصر انى ادخلة قبل ميتوفى روحت قدمت كنت بدعى ربنا انهم يرفضونى لكن الصدمة انهم وافقوا بيا بعد ما وفقوا بيا كان التمرين بتاعى انى ادخل المشرحة واتعامل مع الجثث انا اول ما دخلت فتح الثلاجة طلع جثة بس قبل ما يطلع الجثة خبط على باب الثلاجة ولما سئلتوا عملت كدة لية ؟؟ قالى الجثث ياانسة غدارة ملهاش امان لازم تستئذن قبل ما نفتح اى ثلاجة😳
0 التعليقات :
إرسال تعليق